لــو قـلـت عـنـهـا, دي متتوصفش...بقلمي

لـــو قـــلـــت عـــنـــهـــا

لو قلت عنها كلام مبتتوصفش

مهي مش زي الزهور لا دي متتقطفش

يمكن في يوم تفتكر انها مبتشوكش

تشوف منها الطيبه ان كنت حبيب وان كنت عدو متشوفش

في ناس تخاف منها ومتتجرأش

وناس تخش بقلب جامد ولا تقفش

وناس تبوسها وناس تدوسها وناس معاها متفرقش

زعلها وحش اي نعم لكن ضحكها ملوش زي

لو تنسي من نفسك يوم وترمي وراك الهموم تلاقيها جايه وراك جري

تضحك عليك وتوقعك وياسلام عليها لما تثبتك ما تقومك

فيها العجب من ده وده

وكل العبر متجمعه

اللي يشتكي من ظلمها

واللي يبكي من غدرها

واللي مش داري بوشها

فيها العجب وكل العبر بس برده بنحبها

نمسك في طوقها ولا نسيبهاش

وان سبناها منرجعلهاش

وان كان بايدنا منجيهاش

هي دي الدنيا

متديش كده في يوم ومتاخدش

وكل مخلوق فيها مدايمش

ربك بس اللي دايم واحنا مباقيينش