حتى لا يتعرض موضوعك للحذف ادخل هنا

حتى لا يتعرض موضوعك للحذف اتبع الاتي

1- التكرار :

احد اكثر الاسباب شيوعا لحذف المواضيع
كتير من الاعضاء بيعمل مواضيع وبيكون معظمها مميز والمجهود واضح فيه
بس للأسف بنكتشف بعدها ان الموضوع موجود في المنتدى قبل كده "مكرر يعني"
وبيتم حذف الموضوع وبيضيع المجهود على العضو اللي عمل الموضوع

لتلافي المشكله دي:
أ - استخدم البحث البسيط للمنتدى الموجود في القائمه الرئيسيه اعلى صفحه المنتدى
وفي الحاله دي لازم تكتب الكلمات الاهم في الموضوع علشان يبقى بحثك محدد والنتايج تبقى مظبوطه

يعني مثلا لو عاوز ترفع اصدار جديد من برنامج معين زي Mozilla firefox 3.0.4
تكتب في البحث firefox مثلا وهتلاقي كل النتايج المتعلقه بالبرنامج وتشوف الاصدار اللي عاوز ترفعه مكرر قبل كده ولا لأ ....

ومشكله التكرار بتبقى على كل المواضيع سواء مواضيع التحميل او المواضيع الادبيه وغيره

2- الاعلانات لمواقع اخرى :

ده اكتر سبب بيدايقنا في اي موضوع بيتم حذفه للسبب ده
وبتبقى الاعلانات على اكثر من شكل

- اللينكات نفسها بتكون منقوله من موقع او منتدى خارجي وعليها اسم الموقع عند التحميل او بعد التحميل وفك الضغط
لازم الملف يكون مرفوع باسم اوسيم وفيه حقوق المنتدى ومرفوع على اكثر من سيرفر
ودي مواقع للرفع على اكثر من سيرفر
شرح اشهر مواقع الرفع على اكثر من سيرفر

وايضا

- الصوره الرئيسيه في الموضوع او صور الشروح للبرامج مثلا يكون عليها اسم موقع او منتدى خارجي

- الملف المضغوط بيكون محتوي على صوره او ملف نصي txt يحتوي على اسم موقع خارجي

- في حاله الاغاني بيكون اسم الموقع موجود على معلومات الاغنيه بعد تشغيلها ببرنامج مشغل الموسيقى

- ان يكون الاعلان صريحا في موضوع مخصص به اسم الموقع

- في الافلام والكليبات: اللي بيكون فيها نسخه الفيلم او الكليب عليها اسم موقع معين
او الترجمه للفيلم تحمل اسم منتدى خارجي

ملحوظه: في حاله تكرار مواضيع تحتوي اعلانات يتعرض العضو للايقاف او الطرد

3- لينكات لا تعمل :

بالنسبه لمواضيع التحميل لازم كل عضو يتأكد ان الروابط كلها شغاله بعد الرفع وعمل الموضوع

5- مش مكانه : (عمل مواضيع في غير مكانها)

ده بتكرر في مواضيع كتير في المنتدى
عمل مواضيع طلبات او استفسارات في قسم غير مناسب وده مش مكانها

ممكن تعمل استفسارك في قسم الشكاوى والاقتراحات في سريه وخصوصيه تامه ما بيطلعش على موضوعك غير الاداره وطاقم الاشراف بالمنتدى

6- العنوان مش مطابق :

لازم يكون عنوان الموضوع مطابق لمحتواه
يعني مواضيع زي دي بتتمسح فورا ... مثلا " برنامج جااااامد جدا " وده مش مقبول
في البرامج: لازم يكون اسم البرنامج كامل ويتم تحديد رقم الاصدار الخاص بيه في العنوان
في الافلام: يجب تحديد جوده الفيلم سواء dvdrip , R5 , Cam ........الخ

7 - الموضوع غير منسق

مواضيع المنتدى علشان تتنقل وتترفع للرئيسيه لازم تكون منظمه وفيها تنسيق كافي من حيث:
- وصع صوره عامه للموضوع زي صوره للمطرب في مواضيع الاغاني
- في حاله مواضيع الكليبات او الافلام يجب وضع بوستر للفيلم او الكليب وصور من جوده ملف الفيديو
- في حاله البرامج يجب وضع صوره للبرنامج وصور للشرح اذا استدعى الامر

8- سب وقذف:

وطبعا الاداره مش بتتهاون مع اي نوع من المواضيع دي
سواء اساءه لعضو او شخص معين او ديانه او بلد او جنس اوحكومه ....
مع احترامنا لوجهه نظر كل عضو بس التشهير مش مطلوب بالمره

في حاله لو الموضوع مطابق ومستوفي للشروط ومفيش سبب يستدعي الحذف
بيتم نقله للقسم المناسب ورفعه للصفحه الرئيسيه للمنتدى

» تحليل البوم عمور دياب (( ويــاه البوم الواقعيــة .. واقــع عشناه ونعيشه وسنعيشـه ..)), ادخل وشاركنا برأيك
» ليتم وضع موضوعك في مجلة المنتدي.... اتبع الاتي